Það fyrsta sem við byrjum á er að athuga ljósin efst á peningaskúffunni. Er það blátt eða rautt? Blikkar það eða logar það stöðugt?
- Rautt ljós – logar stöðugt: Prentarinn vinstra megin hefur ekki lokast almennilega. Ýttu á hann til að ganga úr skugga um að hann sé alveg lokaður.
- Rautt ljós – blikkar: Prentarinn vinstra megin er pappírslaus.
- Blátt ljós – logar stöðugt: Peningaskúffan er með rafmagn og tilbúin til tengingar.
- Ekkert ljós: Peningaskúffan fær ekkert rafmagn.
Ef bláa ljósið logar stöðugt
Peningaskúffan tengist spjaldtölvunni í gegnum Bluetooth. Í Salescloud appinu ætti að sjást skýrt hvort tenging sé komin á.
Efst í hægra horninu sérðu stöðuna „Connecting“ eða „Connected“, sem segir til um hvort peningaskúffan og spjaldtölvan séu tengdar.
Ef staðan helst á „Connecting“ skaltu prófa eftirfarandi:
- Endurræstu peningaskúffuna með því að slökkva á henni með rofanum neðan á vinstri hlið skúffunnar og kveikja síðan aftur.
- Lokaðu Salescloud POS appinu með því að ýta á línurnar þrjár neðst vinstra megin á spjaldtölvunni og strjúka Salescloud appinu upp.
- Opnaðu Salescloud POS appið aftur.
Í langflestum tilfellum ætti þetta að koma tengingunni aftur á.
Ef þetta vandamál kemur upp ítrekað skaltu hafa samband við okkur í síma 528-0080. Hugsanlega þarf að uppfæra hugbúnaðinn í peningaskúffunni.